بحـث
 
 

نتائج البحث
 


Rechercher بحث متقدم

المواضيع الأخيرة
» wwe super star kane
الخميس يونيو 07, 2012 10:22 pm من طرف adnan almajrooh

» maria kanellise
الخميس يونيو 07, 2012 10:16 pm من طرف adnan almajrooh

» wwe diva natalya
الخميس يونيو 07, 2012 10:07 pm من طرف adnan almajrooh

» wwe diva kaitlyn
الخميس يونيو 07, 2012 10:01 pm من طرف adnan almajrooh

» wwe diva lita
الخميس يونيو 07, 2012 9:52 pm من طرف adnan almajrooh

» torrie wilson
الخميس يونيو 07, 2012 9:42 pm من طرف adnan almajrooh

» stephanie mcmahon
الخميس يونيو 07, 2012 9:33 pm من طرف adnan almajrooh

» kelly kelly
الخميس يونيو 07, 2012 9:25 pm من طرف adnan almajrooh

» ~~ ديانا حداد - ودي حكي ~~
الخميس يونيو 07, 2012 9:12 pm من طرف adnan almajrooh

التبادل الاعلاني
احداث منتدى مجاني

أحتـــــراف { How To Be Professional Rapper } الــــــراب

استعرض الموضوع السابق استعرض الموضوع التالي اذهب الى الأسفل

أحتـــــراف { How To Be Professional Rapper } الــــــراب

مُساهمة  adnan almajrooh في السبت يوليو 09, 2011 6:25 am


السلام عليكم ورحمة الله وبركاته


نباشر بوضع ( سلسلة How to be a professional في الراب ) لكل رابر يحب يكون محترف ويصل الى القمة .


* راح اباشر اب طرح مواضيع على شكل سلسلة من المواضيع تتضمن مجموعة من ( شرح مفصل ) الى كل ما سوف يوصلك الى الاحتراف في الراب .


* ما عليك سوى ان تفتهم الي راح اكولة وتطبقة بالترتيب وبأنتظام وتفكر وياية وان شاء الله توصل الى الي اني اريد اوصلة الك .


* اول شغلة لازم تحضر (( New Text Document )) وتسجل بي كل المهمات والملاحظات الي اكولهة حتة باجر عكبة لمن تغلط بشي ترجع على الــ(New Text Document ) الي سجلت بي ملاحضاتك وتعرف غلطك مسبقا وين حصل .


نــبــدي :

احنة نعرف انو الراب هو ( فن الشوارع او فن صوت الناس الي يعبرون عن الي ما في داخلهم ) ونعرف همينة انو الراب عبارة عن قلعة تحمل ( اكثر من باب ) لدخول هذه القلعة لان هو قبل كلشي ( فن موسيقي ) ميرتكز على صوت المغني او نبرة حسة يرتكز على ( اداء + حماس + فكرة قوية + عقل مدبر ) ونشوف انو الراب انتشر بالعالم كلة وكلمن يشوف رابر يغني تعجبة الفكرة هو هم يروح يجهز نفسة ويتعلم ويكون رابر في يوم من الايام وهذا كلة احنة نعرفة او اغلب الشباب يعرفون بي بس الي اغلب الشباب ميعرفو هو انو الراب ( كيف تكون بارز نفسك بصورة صحيحة بين اكثر من 1000 رابر غيرك في بلدك او من بلد اخر ) .

طبعا حتة تبرز نفسك هية مجموعة من الشغلات الي لازم تسويهة حتة تعرف تبرز نفسك بصورة صحيحة للناس وتخلي الناس ( تركض ورة اعمالك وتتحمس الى انو اتتابع اخر تطوراتك ) بس مو كل شخص كدر يوصل الهذي المرحلة يعني مثل منشوف اكو رابرز كثار ضعفاء او اقوياء موصلو الهلمرحلة لان الوصول الهلمرحلة معناهة الوصول للقمة شي اكيد .

اني راح ابدي وياكم من ( الــصــفــر ) يعني من مستمع راب الى محترف راب .

.................................................. ...................................

المتطلبات لتكوين ستوديو احترافي :

1- مايك ستوديو + فلتر .. مكسر ومو مهم انو يحمل مؤثرات قوية او غير قوية او ميحمل مؤثرات اصلان المهم انو فايدة المكسر اخراج صوت ( شبه صافي ) عن طريق المكسر .. كومبيوتر ( بي سي ) وليس لاب توب .

بعد ما صار عدنة هذه المستلزمات نتوجه الاقرب ( مهندس صوتيات ) يركبلك المايك والمكسر على الكومبيوتر بصورة صحيحة ودقيقة جدا .

2- مجموعة الحان يعني تكدر تجيب اقل شي ( 100 لحن ) لبداية اختبار نفسك على هذه الالحان

3- تفرغ نفسك الهذا الشي لان اذا انتة ملتزم بشغلات ثانية مراح تكدر توصل للي اني اريدة

4- تفكر وية نفسك ( انو انتة تريد تصير رابر من صدك لو داخل تطبش وبس ) اهم شي هذا

* بعد ما وفرت كل هذه الشروط وصرت جاهز :

نــجــي الــى How to be a professional :

كيف تصبح محترف وانتة مجرد مستمع ليس اكثر ..

(( بــدايـــات الــرابــر ))

* تشوف نفسك انتة حاليا بيا سنة ؟ مثلا سنة 2010 بديت تقرة دروسي يعني هاية نقطة الصفر الي بديت بيهة تسجل التاريخ لهذا اليوم الي قريت بي دروسي لان حتبدي تقيس خبرتك على الايام
وتبدي من اليوم الي سجلت بي التاريخ .

* تتوجه الى منتديات الراب وتميز الرابرز الاقوياء تنزل اغانيهم ان جانو ( اجانب او عرب ) وتبدي تتقمص شخصيتهم وتعيش جوهم بالراب لمن يغنون وتشوف شنو ميزة كل رابر بيهم وشنو قابلياتة وشنو اهم الميزات الي تخلي يكون رابر قوي .. تسجلهن على شكل ملاحضات ..

* بعد ما صار عندك ميزة لكل رابر وعرفت انو الرابر القوي الي تابعتة يحمل فلان ميزة وفلان ميزة تجي تطبق هذه الميزات على نفسك ( وحدة وحدة ) وتشوف انتة هل تكدر تدبر هذه الميزات وتخليهة تكون عندك ؟

* تبدي تشغل اغنية هذا الرابر القوي وتحفضهة على غيبك وتعيدهة وية نفسك او يوم بعد يوم حتشوف نفسك انو انتة كدرت تحفضهة على غيبك وتغنيهة على اللحن ويا ( بالضبط ) مثل ما هو مغنيهة , وبعدهة تحفض اغنية اخرى لرابر ثاني مختلف عن الرابر الاول تماما ونفس الحالة وهكذا , حتشوف نفسك انو انتة بديت تمشي عاللحن بصورة انتة حاس انو هية قوية وبنفس الوكت ( خمطت من هذا الرابر مميزات او افكار يحملهة خاصة بي وصارت بعقلك ) يعني عصفورين بحجر .

* بعد ما شفت نفسك انو انتة قادر على انو تردد اغنية راب وية الديغنيهة تجي للمرحلة الي بعدهة وهي انو تشغل لحن ( Old SchooL ) وتغني نفس كلمات الرابر الي حفظت كلماتة على لحن الـ( Old SchooL ) وتشوف هل انتة قادر على انو تغني بنفس الطريقة الغنيت بيهة وية ذاكة الرابر على هذا اللحن الجديد ؟ . او لتبطل او توكف تستمر بالمحاولات الحد ما تغني على لحن الاولد سكول عدل

ملاحظة : من بعد ما عبرت هذه المرحلة كلهة تجيب شخص ( يغني راب ) وتسئلة تكولة . هل اني مشيت على اللحن او لا ؟ .... وبعدين تجيب شخص مالة علاقة بالراب وتسئلة ( الاغنية هاية الي راح اغنيهة الك هسة حلوة ) ؟ . . . . وتشوف ردة الثنين الك شنو حيكون اذا ميعجبهم تعيد المحاولة من جديد الحد ما يعجبهم شغلك .

* المرحلة السابقة ترة انتة بعدك متغني راب بصورة صحيحة هذه بس البداية واحنة نعرف انو ( العافية درجات ) ..

* المرحلة التالية هي تعلم اساليب الراب بصورة صحيحة :

احنة نعرف انو بالراب اساليب هواية يعني نشوف احنة او نسمع اغاني هواية ونشوف انو اكو اكثر من اسلوب او اسلوبين بالراب يجوز ماكو عدد لحد الان مدام اكو ناس دتكتشف يوم بعد يوم يعني فد شي مالة اكتمال فة اساليب لا تنتهي .

احنة نركز على الاساليب المطلوبة او الي يرغبلهة الناس دائما ويحب يسمعهة او الاساليب الشاعئة .. ولو الناس كامت حاليا تدور الشي الغريب لان حيصير عدهم ملل من نفس الشي ينعاد عليهم لازم يكون اكو تغيير .. بس انتة كة بداية ابدي بالاساليب الشائعة بين الرابرز حاليا .. ومثل ما كلنة ( العافية درجات ) لتستعجل على رزقك .

الاســالــيــب الــشــائــعــة فــي فــن الــراب :

احنة نسمع هواية يكولون كلمة ( ستايل ) ونسمع هواية يكولون كلمة ( اسلوب ) او بالنهاية هية الكلمة وحدة واليعرف انكليزي حيضحك هههههه ..

الاسلوب الاول في غناء الراب : OlD SchooL فن الاولد سكول هو فن قديم كلش واتميز بي الرابر ( 2pac ) واغلب الناس عرفت هالاسلوب عن طريقة .. وبعض الناس عرفتة حاليا عن طريق الرابر ( EMIN3M ) المهم انو مرحنة بعيد هو فن قديم جدا .

فن الـ اولـد سكــول : هو اسلوب هاديء جدي حماسي يستخدمه الرابرز في الاغاني الهادفة في اغلب الاحيان وفي اغاني المنافسات ( الدسات ) ايضا .

وفن الـ اولد سكول اذا حبيت تعرفة وتميزة بصورة صحيحة عن غيرة اسمع اغنية ( Lose Yourself Eminem ) وحتعرف انو هذا الاسلوب فد شي رهيب كلش .

الاسلوب الثاني في غناء الراب Gangster : يمتاز بي العصابات الامريكية وضهر من مناط.ق العصابات الامريكية للزنوج .. يمتاز بهذا الاسلوب الرابر .. ( lil wayne ) او الرابر ( soulja boy ) وهو فن هاديء جدا ويعتمد على اللحن دائما واذا جنت تريد تميزة بصورة صحيحة اسمع اغنية .. ( soulja boy - getsilly ) وحتتعرف على هذا الاسلوب بصورة اكبر والصورة تكون واضحة الك اكثر

الاسلوب الثالث في غناء الراب The HustLA : اذا اريد اوصلك فكرة هالكلمة فة اكدر اكلك لمن تطب تبوك سوبر ماركت معناهة انتة هوستلا .. لمن تطب تبوك فد متجر للبضائع معناهة انتة هوستلا .. لمن تبوك سيارة او دراجة نارية معناهة انتة هوستلا .. .. .. .. اسلوب الهوستلا هو اسلوب غريب بعض الشيء لان فد شي يربط بين السرعة + الهدوء .. السرعة حين القائك لهذا الاسلوب .. اما .. الهدوء هو باللحن والغرابة لمن تسمع اغنية على هذا النمط نمط اسلوب الهوستلا .. والاسلوب هذا يتفرع الى فروع هواية .. اني مرة سمعت رابر يغني هوستلا بالعكس فد شي يصفن يعني ومرة سمعت رابر يغني هوستلا سريع - بطيء .. يعني فد اسلوب رهيب . واذا جنت تريد تميز هذا الاسلوب اسمع اغنية .. ( Ayo Tecnology ) للرابر ففتي سينت ومطرب الــ بوب والار اند بي جاستن تمبرلك .

ملاحظة : اكو بعد اساليب بس كة بداية الك اتقن هاية الاساليب بالبداية او اني راح انزل موضوع ختامي لكل سلسلة ( How to be a professional ) انزل بي اساليب جديدة ..

ملاحظة ثانية : اتمنة انو هذا الدرس فادكم او اني اوعدكم انو مراح اضم عليكم شي اني اعرفة بالراب ومهم ..

avatar
adnan almajrooh
Admin
Admin

عدد المساهمات : 227
تاريخ التسجيل : 04/07/2011
العمر : 24
الموقع : http://rap-oman.forumarabia.com

معاينة صفحة البيانات الشخصي للعضو http://rap-oman.forumarabia.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى